Guðbjartur Hannesson velferðarráðherra sagði í fréttum RÚV í kvöld að hjálparstofnanir hefðu ekki sýnt áhuga á að taka þátt í útgáfu svokallaðra matarkorta. En með innleiðingu slíkra korta væri hugsanlega hægt að útrýma niðurlægjandi biðröðum fyrir utan hjálparstofnanir. Ég átta mig því ekki á því af hverju hjálparstofnanir sýna hugmyndinni ekki áhuga.
Ég vil gjarnan fá útskýringar á þeirri afstöðu.
Eru hjálparsamtök komin í einhverja samkeppni við stjórnvöld um þjónustu við fólk í fjárhagsvanda?
Ef hægt er að koma í veg fyrir biðraðir eftir mat með matarkortum eiga allir að taka höndum saman og vinna að verkefninu.