Sögulegur dagur fyrir jafnræði lífsskoðana á Íslandi

03/05/2013

3. 5. 2013

Í dag tók Hope Knútsson formaður Siðmenntar við staðfestingu úr hendi Ögmundar Jónassonar innanríkisráðherra, á því að félagið væri formlega lögskráð hjá ríkinu sem lífsskoðunarfélag. Stjórn félagsins og stuðningsmenn þess hafa barist fyrir jafnræði lífsskoðunarfélaga í rúm 13 ár og nú var loksins upp skorið.  Sjá má nánari umfjöllun á Siðmennt.is Fyrir mig og 10 […]

Í dag tók Hope Knútsson formaður Siðmenntar við staðfestingu úr hendi Ögmundar Jónassonar innanríkisráðherra, á því að félagið væri formlega lögskráð hjá ríkinu sem lífsskoðunarfélag.

Stjórn félagsins og stuðningsmenn þess hafa barist fyrir jafnræði lífsskoðunarfélaga í rúm 13 ár og nú var loksins upp skorið.  Sjá má nánari umfjöllun á Siðmennt.is

Fyrir mig og 10 aðra athafnarstjóra hjá Siðmennt þýðir þetta að við erum viðurkenndir sem lögformlegir

Bjarni Jónsson, Hope Knútsson, Ögmundur Jónasson og Ragnhildur Hjaltadóttir

Bjarni Jónsson, Hope Knútsson, Ögmundur Jónasson og Ragnhildur Hjaltadóttir

hjónavígslumenn og hjónaefni þurfa ekki lengur að fara fyrst í athöfn hjá sýslumanni áður en það heldur hátíðlega athöfn með athafnarstjóra.  Eftir um 1-2 vikur má vænta þess að þetta verði frágengið.

Ég spái því að þetta muni auka vinsældir athafna Siðmenntar til muna og það er spennandi áskorun að takast á við það verkefni að anna aukinni eftirspurn næstu missera.  Við hlökkum til giftingarathafna sumarsins.

Þessi viðurkenning á því sem Siðmennt er og stendur fyrir, er ekki síður ákveðið skref úr myrkviðum miðalda.  Þetta er áframhald á Upplýsingarstefnunni og merki þess að menning fólks án trúarlegra skoðana er að öðlast fastari og sterkari sess í þjóðfélaginu.  Svipuð þróun á sér stað í öðrum ríkjum Evrópu og Norður-Ameríku.

Ég óska stjórn Siðmenntar og öllum félagsmönnum og velunnurum félagsins til hamingju með þennan merka áfanga!

389
Deildu

Facebook athugasemdir